Plantun de Prouvènço

Pèr coumpara dos planto d'encò nostre

Vaccinium myrtillus & Xanthium orientale subsp. italicum

Amaurilhoun

Vaccinium myrtillus

Ericaceae

Àutri noum : Agies, Maurilho, Aniroun, Eìse, Brimbalié.

Noms en français : Myrtille, Airelle.

Descripcioun :
L'amaurié (aiges en Alouos 04) es uno pichoto planto bouissounouso que trachis sus li relarg safranous de mountagno. Fai de pichòti flour roujo en campano que se duerbon en meme tèms que li fueio. Se destrìo de l'aire-negre qu'a de fueio dentado e pas roundo.

Usanço :
Cadun counèis lou bon goust dis amaurilhoun que podon èstre manjado de d'ùni biais (coume en tarto, ço que se fai proun dins d'ùni relarg dis Aup). Es un fru qu'a proun de qualita : èi riche en vitamino (A pèr la visioun au calabrun), en fibro, en antióussidant... Ei vertuous contro li proublèmo de memòri, la fouiro e proun enca. La tisano de fueio èi diuretico. Pèr pas aganta l'ekinococoso, vau mies faire couire li brimbello.

Port : Aubret
Taio : 15 à 50 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Vaccinium
Famiho : Ericaceae

Ordre : Ericales

Coulour de la flour : Roujo
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 2600 m
Aparado : Noun

Liò : Champino - Fourèst - Tourbièro
Estànci : Coulinen à Aupen
Couroulougi : Bourealo
Ref. sc. : Vaccinium myrtillus L., 1753

Merinjano-fèro

Xanthium orientale subsp. italicum

Asteraceae Compositae

Noms en français : Lampourde d'Italie, Lampourde à gros fruits.

Descripcioun :
La merinjano-fèro se recounèis à si gros fru de mai de dous cm de long, e cubert d'espino sarrado. Fai de gròssi fueio pourtado pèr un long pecout. Aquesto planto, que nous vèn d'Americo de l'uba, èi devengudo proun coumuno.

Usanço :
Coume tóuti li Xanthium, es uno planto empouisounanto pèr li bèsti e l'ome. Caup de carbossiatratiloside di proun marrido pèr lou fege. Servié, à passa tèms, a tencha en jauno.

Port : Erbo
Taio : Pancaro entresigna
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Xanthium
Famiho : Asteraceae
Famiho classico : Compositae

Coulour de la flour : Verdo
Petalo : >6
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Ribiero - Palun - Champ
Estànci : Termoumediterran à Coulinen
Couroulougi : Pancaro entresigna
Ref. sc. : Xanthium orientale subsp. italicum (Moretti) Greuter, 2003 (= Xanthium italicum Moretti, 1822 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

CCC

Vaccinium myrtillus & Xanthium orientale subsp. italicum

ges

Coumpara Amaurilhoun emé uno autro planto

Coumpara Merinjano-fèro emé uno autro planto